成發電機機械工程公司
|
|
講左成十年,開左幾年會,用左幾多公帑 今天依然二手煙滿街 |
|
我唔知有冇記錯,話可以在2006年7月開始部份禁煙,先在酒樓餐廳大小食店實施禁煙,在7月之前,遇到噴煙怪客,就逃避,實行忍,忍,忍,好耐心等到7月,一心以為,可以有啖清新D嘅空氣入肺,行入餐廳,依舊睇見,要食人間煙火的神仙,滿座皆是,最攪笑的就是電視播出,有個妹妹仔,同警察叔叔話,我嗲哋就離死啦,又對消防叔叔講同樣的說話,久不久又睇睹,吸煙會危害健康,又話二手煙的殺害力大於吸煙,結果,全部都是空談,噴煙怪客依然大噴二手煙霧,空氣中,煙嗅難除.
如果話有人提出反對,就拖延實施法規,咁就無謂浪費公帑囉,唔使做宣傳啦,開乜鬼野會,把用在立法禁煙的資源,用在醫療方面,實行你有你食煙,我有我救人,咁咪仲偉大,各得其所,樂在其中.
不論什麼絕妙極好的法案條例,都一定會有人反對架啦,有D法規,是要強制實行嘅,這與人權,自由,民主,平等,歧視完全無關,唔通,每條法律,都是經過民意大多數讚同,之後才立成法律?如果你問,應唔應該有民主呀,就每個市民都會話:『一定要有民主』,咁唔使講嘞,老大就由民選啦,好明顯,到今時今日,都沒有這種事情發生,可見,有些法律施行,是要由真正做福人民的政府,強行實施,雖然好似是鐵腕政策,但實施後,帶來的益處,人民自然會感受得到,強積金,當時個個商家都話唔得嘅,咁即系叫我執笠遮,結果,在半強制之下執行,SAND齋嘛,人人都感到好處.
如果任何人在公眾地方,做出傷害他人身體的行為,咁唔識法律的人,都會話佢犯法,在公眾地方噴二手煙,有極大機會及可能,做成在噴煙人週圍的人,在全無防範之下吸入二手煙,系深入肺部的二手煙,吸入二手煙的人,立時感到身體不適,起碼都已經是做成騷擾,這種行為,就是在公眾地方,做出傷害他人身體的行為,講得嚴重些,極有可能因此而引發其他病例,講得長遠些,就因此而患上肺癌,拿,唔好話我危言聳聽,有醫學跟據架,一連串的反應及消耗費用,唔識計數的我,都知道極有可能冇左成副身家,而政府又要用一大畢公帑,來為吸入二手煙而生肺癌的人送死,再講,隨街噴二手煙,依法而言,是犯法行為,但又沒有法律阻止市民在街上噴煙,咁即系法律有漏洞啦,立即立法補救,本來就是事不宜遲的事,究竟為左乜野理由,要左問右問,攞民主,自由.人權,公道,平等來左蒸右焗,好明顯是要禁止在街上噴二手煙,才可以免除上述的惡行發生,這明明是殺人於無形,而凶手是可以左搖右擺地消遙法外,是否想整多D色水,等死多D人,才可以出爐,完成立法,政府一向慣用的強硬手段,用在禁煙立法上,就最適合不過了,為民父母的政府,是要在某些問題上,作出果斷,以做福人民為最終目標,即時通過禁煙法律,並即時執行,咁嘅政府,才是有威有信的為人民某福祉的政府,唔會被市民話假民主.
講到自由,人權,平等,其實大可以咁做丫,所有食府街道,嚴例全面禁煙,如有商業上或生理上須要者,可申請吸煙准許證,即是老翻個套,(如有准許證則不在此限),拿,如果你間餐廳,因為冇煙,就冇生意的話,咁就冇理由迫你執笠假,大可以向政府申請個吸煙准許證,大字寫明,本餐廳領有吸煙准許證,是吸煙特區,吸煙者收八折,不吸煙者十足收費,歡迎吸煙及非吸煙人士光顧.
另一方面,政府要在適當的地點,廣設吸煙樂園,除了有先進的空氣過濾設備之外,還有免費為吸煙者,作針對性的身體檢驗,使吸煙者可以知道,自己的身體,是適宜繼續吸煙,還是有須要節制吸煙,或是要入院大修清潔煙毒,但須憑買煙發票才可進入,這樣一來,又可以減少漏稅煙在市面消售,一舉兩得,連消帶打,在健康方面,在各門診廣設戒煙輔導,專為有意戒煙者,提供藥療戒煙,計落條數,慳翻的醫療支出費用,足以支付開設吸煙樂園及戒煙輔導有餘,真系除笨有精呀.
大吹大雷,話吸煙會可能生肺癌,又話,冇氣透啦,就死啦,其實用意想點JET,想叫市民戒煙呀?想求議員們通過法律呀?想叫有煙才有生意的商家禁煙呀?想比人知到吸煙的害處遮,其實香港人,十九都知道吸煙有乜嘢害處,不過,香港人呀,你同佢講我就死啦,佢會話:系就快撚趣D啦,唔好阻撚住個社會繁榮發展呀.
即是話政府的宣傳手法幼稚,應剛不強,應柔不順,雖知剛柔是應協調並施,立法禁煙,政府顯然是剛柔未得協調,過多的顧慮,結果是換來沉重代價,最無辜就是下一代,以及不吸煙或已成功戒煙的人,呀,唔知有乜法律途徑,可以控告政府培銀兩嘅呢可?我信賴的政府,求你醒D噤多得唔得JET,唔使要市民摑你一巴先至醒系嘛.
呢嗱而家立法會三讀通過禁煙法例,話要在07年1月才可以實行,唯有無可奈何地再等,再忍,睇吓到時會點啦?法律實施起來,實際成效系點?如果07年1月之後,你都仲未死得嘅話,就放長雙眼,慢慢睇啦.
講到公眾地方,聽講仲未禁煙播,真系唔好意思嘞,如果想避免在全無防範之下,在公眾地方吸入二手煙,最好的方法是唔好出街嘞,或者在街上,要與前後左右面的行人保持四米以上的距離,見睹有食飯神仙吞雲吐霧,就避之則吉,但要小心唔好衝出馬路,比車車死,一定唔會有區旗蓋棺架,連個司機都做埋受害者,咁樣叫做,法律之下人人平等丫馬,不吸煙人士遷就吸煙人士,系有理據個播.
市民甲:點解呀?
市民乙:嗱,人地買煙有比稅過播,你出街有冇比稅丫?咁梗系要不吸煙人士,遷就吸煙人士啦,煙仔稅是以每支計算的,政府收稅收得咁過癮,你話全面禁煙,咁煙仔稅咪冇着落囉?
市民丙:唔使禁到咁絕系馬,連街上都要禁?
市民丁:哦,冇野嘅,嗱,政府會撥銀兩比醫院,如果在街上吸左二手煙而引起病患,醫生是你的救星,呢個時候,你要信政府多過信主,攞市民的健康來做犧牲品,好正常遮,個個國家都系咁做架啦,只不過冇法證實系因吸入二手煙致死遮,如果有證據證明是吸入二手煙致死,政府會為死者靈柩蓋上特區區旗,佢地系英雄尼架,死得好光榮架,極有可能政府會為了要發揚死者豐功偉績,為佢拍一段短片,令全香港的市民都知道,政府系點樣愛市民嘅,真系神都冇咁偉大架.
市民甲:諧......講到尾,希望政府成立吸煙死者撫卹基金啦,凡因吸入二手煙或吸煙致死的市民,除了有區旗蓋棺之外,仲有錢攞,矣,咁死法,系就系死得唔抵嘅囉,但系,有翻D撫卹金攞,都好過連渣都冇得靜丫.
投訴人: D.K.LEE 5/11/06 |
|
|
|
Copyright © Success Electrical And Machinery Engineering Company
網頁及圖片版權屬成發電機機械工程公司全部擁有 E-MAIL：INFO@SUCCESS-EM.COM 沒有電話 不回復電郵 |