成發電機機械工程公司
|
|
收到不是自己公司名的電話費單 |
|
我公司的電話線,由2005年9月至2006年12月,是PCCW的,正路每約三個月,都會收到電話單,佢鹵味其實,應該話在頭幾個月是陸續收到電話費單,如果唔睇清楚,諗住唔緊要啦,合約是幾多,就是幾多,唔會收多嘅,照開支票,咁就中計嘞,燒佢鹵味鷄中計嘞,如果你打電話去查,就有人向你解釋,表面好似好合理,計吓條數,好似多撚左D播,於是又打電話去問個真真,又要由頭將個故事講一次,距鹵味仲慘過在差館落口供,因為落口供都是一次就攪撚惦啦,講完就等,大約比佢釘東之聲,釘左十分鐘上下,有回答嘞,首先就梗系話:對唔住播,要你等咁耐,拿,原系咁嘅,我地會多收兩個月,如果合約滿左,你唔用PCCW的電話線,就會退回兩個月的費用給你,唔使驚架,一定會退翻比你架.境然有此怪例,唔知系唔系張合約系咁寫明嘅,如果系,就冇得講啦,我要仲要向PCCW道歉,講聲對唔住播,不過系唔系都好啦,我講的全屬事實.呀,唔知系唔系政府批准咁做嘅呢可?
在三日之後,我再打電話去查詢,當然又要廢一翻功夫,即是落多一次口供,我問開左錄音機未,佢話開左,我話:我冇咁多時間同你地玩猜迷遊戲,請將我已經交左的費用,及我應交的費用,詳列清單,我會一次過交清費用.
過了兩個星期,收到一張7百多元的信貸單,即是話,半年內都唔使交電話費.
過了約4個月,怪事發生,收到一張電話費單,銀碼是3元,心覺奇怪,但又可能是,計法奇特,3蚊鷄遮,照開支票寄出,約一個月後,又收到電話費單,本不為意,但覺得有D怪,因銀碼是90多元,與我的電話線收費不符,細心睇清楚,原來是長途電話收費,而且不是我公司名下的,但地址是我公司的地址,本來只要寫上冇此公司,投回信箱就是,諗吓睇吓,原來我上次寄出的3蚊鷄支票,也是不是我公司的,哎吔,CAL NOW YAH,好彩是3蚊遮,如果是幾百蚊,就唔追佢鹵味都唔得嘞,心知要追翻比出的銀兩,就算攞得翻,都好費口水,但好奇打個電話去問吓,要點樣才可以追回錯為他人公司付了的款,唔使講一定是要大盆口水才可以入格,之後等了約15分鐘,終於有回答,佢話:你要帶同商業登記證,印章,親自去服務中心申請,取回費用,我話:吓,申請,咁即是唔一定可以攞得翻啦,佢話:唔會嘅,多數都會比翻你嘅,查過之後就會發還架嘞.
在我來講,為了3蚊,當然唔會去同佢玩D咁嘅遊戲啦,但是如果我上次比的數目是幾百蚊,咁你話嘞,攞定唔攞丫?佢鹵味.
此事已經多次與PCCW通電話,理應作適當處理,再過一個月後,又收到電話費單,是最後限期,到2006年10月23號,依然收到同樣的賬單,請看到這段不平鳴的朋友們,比個意見我,我應該點做呢?報案取得紀錄,以民事途徑追討時間及金錢損失?
即是PCCW還未可以接受是次事件的事實,即是話,在他們的角度,他們的做法是沒有錯誤,勿說是錯誤,連唔妥都冇.問你服未?
經過成個月至今,還是沒有改正地址,在賬單上寫明冇此公司,甚至寫明話再有下次,就報警處理,依然收到不是自己公司的賬單,原來報警是不受理的,唔怪得再有賬寄來啦,多謝pccw的教導,與警察叔叔 交談之下,原來用他人的地址,是沒有犯法的,即是話警方不受理,嗱系唔系合法就唔知,起碼是可以咁做,亦奈佢唔何,警方提供的方法是唔好理佢.
懇請pccw的高層,如果你看見此段文章,請跟進改善,當系做吓好心,比翻少少大公司應有的風度出來,證明你們做事,如政府一樣,是不會錯的.
投訴人: D.K.LEE 15/10/06 |
|
|
|
Copyright © Success Electrical And Machinery Engineering Company
網頁及圖片版權屬成發電機機械工程公司全部擁有 E-MAIL：INFO@SUCCESS-EM.COM 沒有電話 不回復電郵 |